កម្មវិធីវិទ្យុ
ព័ត៌មានពេលព្រឹក៖ ២២ កញ្ញា ២០២១
ព័ត៌មានអំពីកម្ពុជាមាន តើកម្ពុជាគួរនិយាយអ្វីខ្លះ នៅមហាសន្និបាតអង្គការសហប្រជាជាតិក្នុងសប្ដាហ៍នេះ? លោក ហ៊ុន សែន ចោទមហាអំណាចជ្រៀតជ្រែកកិច្ចការផ្ទៃក្នុង ខណៈលោក សម រង្ស៊ី ចោទមេដឹកនាំកម្ពុជា«ចូលដៃ»ជាមួយចិន។ សហជីព៖ កម្មករអាចពិចារណាប្រើសិទ្ធិតវ៉ា បើនិយោជកបង្ហាញចេតនាមិនដំឡើងប្រាក់ឈ្នួល។ រីឯព័ត៌មានអន្តរជាតិវិញមាន ថ្លែងក្នុងសន្និបាតប្រចាំឆ្នាំរបស់អង្គការសហប្រជាជាតិលោក Biden ជំរុញឲ្យមានការឯកភាពគ្នាក្នុងការដោះស្រាយការប្រឈមជាសាកល។ រដ្ឋមន្ត្រីការបរទេសបារាំងជំរុញឲ្យអឺរ៉ុប«គិតឲ្យបានហ្មត់ចត់»អំពីសម្ព័ន្ធភាព។ ការប្រឆាំងតវ៉ាក្នុងទីក្រុង Melbourne លើការរឹតបន្តឹងវិធានការប្រឆាំងជំងឺកូវីដ១៩។ អ្នកស្រី Suu Kyi ឡើងតុលាការពីបទញុះញង់ និងបាននិយាយថាអ្នកស្រីមិនមានកំហុសនោះទេ និងព័ត៌មានផ្សេងទៀត៕
ព័ត៌មានពេលរាត្រី៖ ២២ កញ្ញា ២០២១
ព័ត៌មានអំពីកម្ពុជាមានដូចជា ក្រសួងព័ត៌មានសង្ឃឹមថា ច្បាប់ស្តីពីសិទ្ធិទទួលព័ត៌មាន នឹងត្រូវអនុម័តដោយសភានៅចុងឆ្នាំ២០២១។ ក្រុមសង្គមស៊ីវិលកម្ពុជា អំពាវនាវឲ្យបញ្ឈប់ការបំភិតបំភ័យអ្នកវិភាគ និងអ្នករិះគន់។ អ្នកការពារសិទ្ធិការងារ រិះគន់វិសោធនកម្មច្បាប់ស្តីពីការងារថា ធ្វើឲ្យបាត់ប្រយោជន៍កម្មករ។ រីឯព័ត៌មានអន្តរជាតិវិញមានដូចជា នៅក្នុងសុន្ទរកថាក្នុងមហាសន្និបាតអ.ស.ប. លោក Biden ជំរុញសាមគ្គីភាពប្រឈមបញ្ហាសាកល។ អង្គការសុខភាពពិភពលោកថា ឥឡូវនេះវីរុសបំប្លែងថ្មីប្រភេទដែលតា (Delta) លេចធ្លោជុំវិញពិភពលោក។ សមាជិកសភាជំរុញឱ្យក្រសួងយុត្តិធម៌ ចាត់វិធានការប្រឆាំងឧក្រិដ្ឋកម្មស្អប់ខ្ពើមដែលកំពុងកើនឡើងនៅសហរដ្ឋអាមេរិក។ រហូតមកដល់ពេលនេះ ពួកតាលីបង់មិនបានធ្វើអ្វីសោះតាមការប្តេជ្ញាប្រឆាំងភេរវកម្ម។ ករណីភេរវកម្មក្នុងស្រុករបស់អាមេរិក «ផ្ទុះឡើង»។ បណ្ដាញកំពង់ផែដឹកជញ្ជូនរបស់ចិននៅលើសាកលលោក បង្ហាញពីយុទ្ធសាស្ត្ររបស់រដ្ឋាភិបាលចិន និងព័ត៌មានមួយចំនួនទៀត៕