កម្មវិធីវិទ្យុ
ព័ត៌មានពេលព្រឹក៖ ២៥ កញ្ញា ២០២១
ព័ត៌មានអំពីកម្ពុជាមាន ក្នុងទិវារដ្ឋធម្មនុញ្ញ អ.ស.ប.ប្រាប់កម្ពុជាឱ្យគោរពសិទ្ធិមនុស្សនិងប្រជាធិបតេយ្យពហុមតិ។ សហគមន៍ព្រៃឡង់ ស្នើអាជ្ញាធរឲ្យទម្លាក់ចោលការចោទប្រកាន់បទឧក្រិដ្ឋលើសកម្មជនព្រៃឈើម្នាក់។ លោក ហ៊ុន សែន ចោទមហាអំណាចជ្រៀតជ្រែកកិច្ចការផ្ទៃក្នុង ខណៈលោក សម រង្ស៊ី ចោទមេដឹកនាំកម្ពុជា«ចូលដៃ»ជាមួយចិន។ រីឯព័ត៌មានអន្តរជាតិវិញមាន កង្វះហិរញ្ញប្បទានដើម្បីដោះស្រាយវិបត្តិជំងឺកូវីដ១៩សម្រាប់ជនភៀសខ្លួន ធ្វើឲ្យវិបត្តិជំងឺនេះ អូសបន្លាយពេល និងកាន់តែធ្ងន់ធ្ងរ៕
ព័ត៌មានពេលរាត្រី៖ ២៥ កញ្ញា ២០២១
ព័ត៌មានអំពីកម្ពុជា បទសម្ភាសន៍ VOA៖ លោក សម រង្ស៊ី ជឿជាក់ថា ការប្រែប្រួលនយោបាយក្នុងតំបន់ជំរុញឲ្យអន្តរជាតិយកចិត្តទុកដាក់បញ្ហាកម្ពុជា។ សម្រង់សង្ខេបពីកម្មវិធី Hello VOA អំពី«បណ្តាញស្រ្តីអ្នកដឹកនាំវ័យក្មេង ជំរុញឲ្យស្រ្តីវ័យក្មេងចូលរួមសកម្មភាពសង្គម»។ រីឯព័ត៌មានអន្តរជាតិវិញមានដូចជា ប្រទេសឥណ្ឌាចាប់ផ្តើមនាំចេញវ៉ាក់សាំងបង្ការជំងឺកូវីដ១៩សាជាថ្មី។ លោក Biden ជំរុញមេដឹកនាំនានាឲ្យប្រឹងសម្រេចតាមគោលនយោបាយមុតមាំស្ដីពីការប្រែប្រួលអាកាសធាតុ៕