កម្មវិធីវិទ្យុ
ព័ត៌មានពេលព្រឹក៖ ១៥ ធ្នូ ២០២១
ព័ត៌មានអំពីកម្ពុជាមាន អតីតសកម្មជនសហជីពម្នាក់បដិសេធថា មិនជាប់ពាក់ព័ន្ធផែនការវិលត្រឡប់ ៩ វិច្ឆិការបស់លោក សម រង្ស៊ី។ សមត្ថកិច្ចបិទគេហទំព័រចំនួន៩ដែលបង្ហោះរូបភាព និងវីដេអូអាសអាភាសរបស់កុមារនៅកម្ពុជា។ រីឯព័ត៌មានអន្តរជាតិវិញមានដូចជា អ្នកកាសែតប្រឆាំងដែលមានឈ្មោះបោះសំឡេងម្នាក់ ត្រូវបានកាត់ទោសដាក់ពន្ធនាគារក្នុងប្រទេសវៀតណាម។ រដ្ឋាភិបាលវិមានក្រឹមឡាំងថា លោក Putin និងលោក Xi នឹងពិភាក្សាគ្នាអំពី«ភាពគឃ្លើន» របស់សហរដ្ឋអាមេរិក និងអង្គការអូតង់។ លោក Joe Biden នឹងធ្វើដំណើរទៅតំបន់ដែលរងគ្រោះមហន្តរាយដោយសារខ្យល់ព្យុះគួច tornado ក្នុងរដ្ឋ Kentucky។ ក្នុងកិច្ចប្រជុំកំពូលស្តីពីប្រជាធិបតេយ្យ អាមេរិក ដាក់កំហិតលើការនាំចេញបច្ចេកវិទ្យាបំបិទសិទ្ធិ និងព័ត៌មានដទៃទៀត៕
ព័ត៌មានពេលរាត្រី៖ ១៥ ធ្នូ ២០២១
ព័ត៌មានអំពីកម្ពុជាមានដូចជា ការបន្តសវនាការលោក កឹម សុខា នាំឲ្យមានមតិចម្រុះពីអ្នកវិភាគ និងឃ្លាំមើលសង្គម។ ករណីឆ្លងមេរោគកូវីដ១៩បំប្លែងថ្មីអូមីក្រុង ត្រូវបានរកឃើញលើកដំបូងនៅកម្ពុជា។ អ្នកបោះឆ្នោត ទាមទារភាពត្រឹមត្រូវក្នុងការជ្រើសតាំងចៅហ្វាយក្រុង Lowell ជាខ្មែរអាមេរិកាំងដំបូង។ ការគោរពសិទ្ធិជនភៀសខ្លួនធ្លាក់ចុះ ខណៈទំនាក់ទំនងកម្ពុជា-ថៃឈានឡើង។ រីឯព័ត៌មានអន្តរជាតិវិញមានដូចជា អង្គការសុខភាពពិភពលោកថា ប្រសិទ្ធភាពនៃវ៉ាក់សាំងប្រឆាំងនឹងភាពធ្ងន់ធ្ងរនៃកូវីដ១៩បានធ្លាក់ចុះ ប៉ុន្តែនៅតែមាន«កម្រិតការការពារខ្ពស់»។ សហរដ្ឋអាមេរិក ពិនិត្យមើលវិធានការបន្ថែមដើម្បីដាក់សម្ពាធលើពួកមេដឹកនាំយោធាមីយ៉ាន់ម៉ា។ ចំនួនមនុស្សស្លាប់ដោយសារជំងឺកូវីដ១៩នៅសហរដ្ឋអាមេរិក បានឡើងដល់៨សែននាក់ មួយឆ្នាំក្រោយយុទ្ធនាការចាក់វ៉ាក់សាំងបានចាប់ផ្តើម។ ខ្យល់គួច tornado បំផ្លិចបំផ្លាញតំបន់ភាគកណ្តាលសហរដ្ឋអាមេរិក និងព័ត៌មានផ្សេងៗទៀត៕
