កម្មវិធីវិទ្យុ
ព័ត៌មានពេលព្រឹក៖ ៣០ ធ្នូ ២០២១
ព័ត៌មានអំពីកម្ពុជាមាន លោក ហ៊ុន សែន គ្រោងស្នើច្បាប់កំណត់អាយុនាយករដ្ឋមន្រ្តី ខណៈអ្នកឃ្លាំមើលចង់ឲ្យមានការកំណត់អាណត្តិ។ លោក ហ៊ុន សែន ថាដាច់ខាតមិនឲ្យមានបដិវត្តន៍ពណ៌នៅកម្ពុជា។ ពលរដ្ឋខេត្តកែបបារម្ភពីការរកស៊ីនិងឆ្នេរធម្មជាតិ ក្រោយអាជ្ញាធរចាក់ដីលុបឆ្នេរសមុទ្រដើម្បីអភិវឌ្ឍ។ រីឯព័ត៌មានអន្តរជាតិវិញមាន សហរដ្ឋអាមេរិកថា កិច្ចចរចាជាមួយរុស្ស៊ីអាចធ្វើនៅក្នុងខែមករា៕
ព័ត៌មានពេលរាត្រី៖ ៣០ ធ្នូ ២០២១
ព័ត៌មានអំពីកម្ពុជាមាន លោក សម រង្ស៊ី ចោទលោក ហ៊ុន សែន ថា បានរៀបផែនការបង្កើតរបបនយោបាយទាយាទនិយម។ លោក ហ៊ុន ម៉ាណែត ស្នើឱ្យលោក សម រង្ស៊ី ចាកចេញពីនយោបាយ ហើយបញ្ចូលឈាមថ្មីមកវិញ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «បន្ទាត់ភាពក្រីក្រ និងអត្រាភាពក្រីក្រថ្មីសម្រាប់កម្ពុជា»។ រីឯព័ត៌មានអន្តរជាតិវិញមាន ក្រុមប្រឹក្សាសន្តិសុខអង្គការសហប្រជាជាតិថ្កោលទោសការសម្លាប់រង្គាលក្នុងប្រទេសមីយ៉ាន់ម៉ា។ ក្រុមការងារសេតវិមានថា ទោះបីការឆ្លងកូវីដ១៩កើនឡើង ក៏ការចូលព្យាបាលនៅមន្ទីរពេទ្យមិនកើនឡើង។ សហរដ្ឋអាមេរិកតែងតាំងបេសកជនបង្កើនការប្រយុទ្ធដើម្បីសិទ្ធិស្ត្រីអាហ្វហ្កានីស្ថាន។ ប៉ូលិសហុងកុងថា អ្នកកាសែតត្រូវបានចោទពីបទសមគំនិតក្នុងការផ្សាយ«បំបះបំបោរ»។ លោក Biden ត្រូវបានជំរុញឱ្យតែងតាំងបេសកជនសិទ្ធិមនុស្សកូរ៉េខាងជើង។ អង្គការសហប្រជាជាតិអំពាវនាវឱ្យប្រទេសបេឡារុស និងប៉ូឡូញឱ្យគោពសិទ្ធិជនទេសន្តរប្រវេសន៍៕