កម្មវិធីវិទ្យុ
ព័ត៌មានពេលព្រឹក៖ ២ មករា ២០២២
ព័ត៌មានអំពីកម្ពុជាមាន បងប្រុសរបស់សកម្មជនដែលត្រូវបញ្ជូនមកពីថៃ ទទូចឲ្យប្អូនស្រីឈប់ធ្វើនយោបាយ នៅពេលត្រូវដោះលែង។ រីឯព័ត៌មានអន្តរជាតិវិញមាន ចិន ប្រើការទូតអវកាសក្នុងការប្រកួតប្រជែងខាងអវកាសជាមួយអាមេរិក។ អង្គការ Human Rights Watch ថា មានការវិវឌ្ឍទៅមុខ ទាក់ទិននឹងជីវិតរបស់កុមារនៅឆ្នាំនេះ ទោះមានវិបត្តិកូវីដ១៩ ក៏ដោយ។ ការបង្អាក់នៃសង្វាក់ផ្គត់ផ្គង់ ប៉ះពាល់ដល់ការនាំចេញរបស់សហរដ្ឋអាមេរិកទៅកាន់ទ្វីបអាស៊ី៕
ព័ត៌មានពេលរាត្រី៖ ២ មករា ២០២២
ព័ត៌មានអំពីកម្ពុជាមាន សម្រាប់អ្នកខ្វះខាត «ធុងសហគមន៍ចល័ត» នៅតែជាដំណោះស្រាយបណ្តោះអាសន្នដ៏ចាំបាច់។ កសិករនៅតំបន់បឹងទន្លេសាបខេត្តកំពង់ឆ្នាំងស្នើរដ្ឋផ្តល់ដីធ្វើស្រែឡើងវិញ ដើម្បីដោះស្រាយបំណុល និងស្បៀងអាហារ។ សេចក្តីដកស្រង់នៃកម្មវិធី Hello VOA ស្តីពីបន្ទាត់ភាពក្រីក្រ និងអត្រាភាពក្រីក្រថ្មីសម្រាប់កម្ពុជា។ រីឯព័ត៌មានអន្តរជាតិវិញមាន អង្គការសហប្រជាជាតិអំពាវនាវឱ្យប្រទេសបេឡារុសនិងប៉ូឡូញគោពសិទ្ធិជនទេសន្តរប្រវេសន៍។ យុទ្ធសាស្ត្រកម្ចាត់ជំងឺកូវីដនៃប្រទេសចិនប្រុងប្រៀបរង់ចាំ Omicron៕
