កម្មវិធីវិទ្យុ
ព័ត៌មានពេលព្រឹក៖ ៣ មករា ២០២២
ព័ត៌មានអំពីកម្ពុជាមាន សកម្មជនបក្សប្រឆាំងថ្នាក់ក្រោម រង់ចាំឱកាសដើម្បីចូលរួមប្រកួតប្រជែងការបោះឆ្នោតឃុំសង្កាត់ឆ្នាំ២០២២។ រីឯព័ត៌មានអន្តរជាតិវិញមាន អ្នកជំនាញថា ចិនពង្រីកការវិនិយោគនៅតំបន់ Balkan ដោយទាមទារលក្ខខណ្ឌតិចជាងសហភាពអឺរ៉ុប។ អ្នកវិទ្យាសាស្រ្តនូវវែលសេឡង់ ស៊ើបអង្កេតផលប៉ះពាល់ពីកម្ទេចកម្ទីប្លាស្ទិកលើការប្រែប្រួលអាកាសធាតុ៕
ព័ត៌មានពេលរាត្រី៖ ៣ មករា ២០២២
ព័ត៌មានអំពីកម្ពុជាមាន លោក ហ៊ុន សែន បង្ហាញសុទិដ្ឋិនិយមនឹងការគ្រប់គ្រងបាននូវការរាតត្បាតជំងឺកូវីដ១៩ក្នុងប្រទេស។ សកម្មជនសហជីព៩នាក់ ត្រូវចាប់ខ្លួនចំពោះកូដកម្មនៅមុខក្រុមហ៊ុនណាហ្គាវើលដ៍ ប៉ុន្តែ៣នាក់ ត្រូវដោះលែងវិញ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«សេចក្តីប្រាថ្នាក្លាយជាសហគ្រិនជំរុញស្ត្រីឲ្យជួយសហគមន៍»។ រីឯព័ត៌មានអន្តរជាតិវិញមានដូចជា លោក Biden ថា សហរដ្ឋអាមេរិកនិងសម្ព័ន្ធមិត្ត នឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ី បន្តឈ្លានពានប្រទេសអ៊ុយក្រែន។ រដ្ឋមន្ត្រីក្រសួងការពារជាតិអាមេរិក ឆ្លងជំងឺកូវីដ១៩។ អ៊ីស្រាអ៊ែល ផ្តល់ការចាក់វ៉ាក់សាំងដូសទី៤ដល់ពលរដ្ឋ ដែលមានអាយុ៦០ឆ្នាំឡើងទៅ និងបុគ្គលិកពេទ្យរបស់ខ្លួន។ ប្រធានាធិបតីប្រទេសកេនយ៉ា ការពារចំពោះការពឹងផ្អែកលើចិនសម្រាប់គម្រោងធំៗ និងព័ត៌មានផ្សេងៗទៀត៕
