កម្មវិធីវិទ្យុ
ព័ត៌មានពេលព្រឹក៖ ២១ មករា ២០២២
ព័ត៌មានអំពីកម្ពុជាមាន ១៨ឆ្នាំក្រោយឃាតកម្មលោក ជា វិជ្ជា គ្រួសារអស់ជំនឿថា រដ្ឋ អាចវែកមុខឧក្រិដ្ឋជន។ តុលាការ បញ្ចាំងវីដេអូអំពីចលនាសង្គ្រោះជាតិ ក្នុងសំណុំរឿងញុះញង់របស់សកម្មជនបក្សជំទាស់។ រីឯព័ត៌មានអន្តរជាតិមាន អាមេរិក ព្រមានចាត់វិធានការលើរុស្ស៊ី បើឈ្លានពានអ៊ុយក្រែន។ របាយការណ៍៖ វិបត្តិសិទ្ធិមនុស្សកាន់តែអាក្រក់ ក្រោមការគ្រប់គ្រងរបស់តាលីបង់៕
ព័ត៌មានពេលរាត្រី៖ ២១ មករា ២០២២
ព័ត៌មានអំពីកម្ពុជាមាន អាជ្ញាធរកម្ពុជា ចេញបំរាមលើមេធាវីអាមេរិកម្នាក់មិនឱ្យចូលកម្ពុជា ក្រោមហេតុផលមាក់ងាយតុលាការ។ វៀតណាម គាំទ្រកម្ពុជាជុំវិញបញ្ហាវិបត្តិមីយ៉ាន់ម៉ា។ លោក ហ៊ុន សែន ព្រលះប្រមុខការទូតម៉ាឡេស៊ី ហើយថា នៅភូមាមានរដ្ឋាភិបាលពីរ។ អ្នកច្បាប់ខ្មែរអាមេរិកាំង តស៊ូទាមទារសិទ្ធិសេរីភាពនៅកម្ពុជា ទោះប្រឈមនឹងពន្ធនាគារ។ រីឯព័ត៌មានអន្តរជាតិវិញមានដូចជា ប្រទេសអ៊ីរ៉ង់ រុស្ស៊ី និងចិនចាប់ផ្តើមធ្វើសមយុទ្ធនាវារួមគ្នា។ ពួកយោធាមីយ៉ាន់ម៉ា ចាប់ខ្លួនពួកអ្នកកាសែតថែមទៀត។ នៅឯអង្គការសហប្រជាជាតិ សហរដ្ឋអាមេរិកនិងសម្ព័ន្ធមិត្ត អំពាវនាវឲ្យពង្រឹងទណ្ឌកម្មលើកូរ៉េខាងជើង។ អាមេរិករំឭកខួបវីរៈបុរសសិទ្ធិពលរដ្ឋ ខណៈច្បាប់បោះឆ្នោតនិងបញ្ហារើសអើង នៅតែជារឿងសំខាន់ក្នុងវិស័យនយោបាយ និងព័ត៌មានផ្សេងៗទៀត៕
