កម្មវិធីវិទ្យុ
ព័ត៌មានពេលព្រឹក៖ ២៥ មករា ២០២២
ព័ត៌មានអំពីកម្ពុជាមាន អាជ្ញាធរថា ករណីផ្ទុះមីនប្រឆាំងរថក្រោះសម្លាប់មនុស្សនៅខេត្តព្រះវិហារ គឺដោយសារមានភាពស្មុគស្មាញក្នុងការដោះមីន។ ស្ថាប័នស្រាវជ្រាវអាមេរិកាំង បន្តបង្ហាញសកម្មភាពកសាងនានាក្នុងមូលដ្ឋានកងទ័ពជើងទឹករាមក្នុងខេត្តព្រះសីហនុ។ រីឯព័ត៌មានអន្តរជាតិមាន ជនរងគ្រោះពីការរំលោភសិទ្ធិមនុស្សនៅក្នុងប្រទេសហ្វីលីពីន ប្រឆាំងនឹងការប្រជែងយកតំណែងប្រធានាធិបតីរបស់លោក Marcos។ គណៈកម្មការយុត្តិធម៌ប៉ាគីស្ថាន ជ្រើសតាំងចៅក្រមនៅតុលាការកំពូលជាស្ត្រីជាលើកដំបូង៕
ព័ត៌មានពេលរាត្រី៖ ២៥ មករា ២០២២
ព័ត៌មានអំពីកម្ពុជាមានដូចជា លោក ហ៊ុន សែន ថា មេដឹកនាំយោធាមីយ៉ាន់ម៉ាអាចចូលប្រជុំអាស៊ាន លុះត្រាមានការវិវឌ្ឍចំណុចឯកភាពគ្នា។ លោក ស ខេង ថា រដ្ឋមន្រ្តីក្រសួងពាក់ព័ន្ធ បានអនុញ្ញាតឲ្យនាំចូលសារធាតុផ្សំផលិតគ្រឿងញៀនក្នុងប្រទេសកម្ពុជា។ តុលាការបញ្ចេញភស្តុតាងឃ្លីបវីដេអូចំនួន៧ ក្នុងសំណុំរឿងលោក កឹម សុខា តែមេធាវីថា ជាភស្តុតាងចាស់។ រីឯព័ត៌មានអន្តរជាតិវិញមានដូចជា មេដឹកនាំសហរដ្ឋអាមេរិកនិងអឺរ៉ុប រួមគ្នាប្រឆាំងនឹងការគំរាមកំហែងឈ្លានពានរបស់រុស្ស៊ី។ កូរ៉េខាងជើង បន្តបាញ់សាកល្បងកាំជ្រួចមីស៊ីលរបស់ខ្លួន ដោយបាញ់ចំនួន២ គ្រាប់បន្ថែមទៀត។ ក្រុមអ្នកជំនួញប្រទេសស្លូវេនី រងការរិះគន់របស់ចិន ក្រោយនាយករដ្ឋមន្ត្រីរបស់ខ្លួន បានកោតសរសើរកោះតៃវ៉ាន់។ អង្គការសហប្រជាជាតិ ផ្តល់ថវិកាជំនួយ១៥០លានដុល្លារដល់ប្រតិបត្តិការចំនួន១៣ដែលប្រឈមនឹងវិបត្តិកង្វះថវិកានិងព័ត៌មានផ្សេងៗទៀត៕
