កម្មវិធីវិទ្យុ
ព័ត៌មានពេលព្រឹក៖ ១៩ មករា ២០២២
ព័ត៌មានអំពីកម្ពុជាមានដូចជា មេធាវីថា លោក កឹម សុខា នឹងចូលរួមក្នុងសវនាការនៅថ្ងៃពុធ។ ជនជាតិដើមភាគតិចនៅខេត្តព្រះវិហារជំរុញសាលាឧទ្ធរណ៍ទម្លាក់ចោលការចោទប្រកាន់ក្នុងជម្លោះដីធ្លីជាមួយក្រុមហ៊ុនស្ករអំពៅចិន។ លោក ហ៊ុន សែន ចោទអតីតនាយករដ្ឋមន្ត្រីខ្មែរ លោក ប៉ែន សុវណ្ណ ជាអ្នកនយោបាយ«ល្មោភអំណាច»។ រីឯព័ត៌មានអន្តរជាតិវិញមានដូចជា ប្រធានាធិបតីតួកគីព្រមានរុស្ស៊ីកុំឲ្យឈ្លានពានប្រទេសអ៊ុយក្រែន។ មនុស្ស១១នាក់ស្លាប់នៅពេលដែលក្រុមចម្រុះ ទម្លាក់គ្រាប់បែកក្នុងប្រទេសយេម៉ែន ក្រោយការវាយប្រហារនៅប្រទេសអេមីរ៉ាត់អារ៉ាប់រួម។ ការកំណត់ទិសដៅផលិតរថយន្តប្រចាំឆ្នាំរបស់ក្រុមហ៊ុន Toyota ជួបបញ្ហាដោយសារកង្វះគ្រឿងអេឡិចត្រូនិករថយន្ត។ សេចក្តីរាយការណ៍ដំបូងៗពីការខូចខាតដោយបន្ទុះភ្នំភ្លើងនិងរលកយក្សស៊ូណាមិនៅកោះ Tonga៕
ព័ត៌មានពេលរាត្រី៖ ១៩ មករា ២០២២
ព័ត៌មានអំពីកម្ពុជាមាន វិលមកបន្ទប់សវនាការ លោក កឹម សុខា ស្នើតុលាការពន្លឿនការកាត់ក្តីដើម្បីឆាប់បានវិលចូលនយោបាយ។ សវនាការលោក កឹម សុខា បន្តឡើងវិញ ចំពេលនយោបាយវិវត្តគួរឱ្យកត់សម្គាល់។ រដ្ឋដាក់ទិវាឈ្នះឈ្នះជាបុណ្យជាតិ ខណៈអ្នកវិភាគថា លោក ហ៊ុន សែន កំពុងចារឹកកេរដំណែលនយោបាយផ្ទាល់ខ្លួន។ បទសម្ភាសន៍ VOA៖ ប្រធានស្តីទីគណបក្សភ្លើងទៀន បារម្ភអំពីការបន្តគាបសង្កត់ ប៉ុន្តែថា មិនមានជម្រើស។ រីឯព័ត៌មានអន្តរជាតិវិញមាន លោក Blinken បំពេញទស្សនកិច្ចនៅអ៊ុយក្រែន នៅពេលដែលលោកជំរុញឲ្យរុស្ស៊ីបន្ថយភាពតានតឹងនៅព្រំដែន។ ជនសកម្មប្រយុទ្ធឥណ្ឌូណេស៊ីដែលបានជាប់ទាក់ទិននឹងការបំផ្ទុះគ្រាប់បែកនៅកោះបាលី ត្រូវបានតុលាការកាត់ទោសឲ្យជាប់គុក ១៥ឆ្នាំ។ មនុស្សរាប់ពាន់នាក់នៅហុងកុង ស្ម័គ្រចិត្តយកសត្វ hamsters មកចិញ្ចឹម នៅពេលមានការភ័យខ្លាចពីជំងឺកូវីដ១៩ និងព័ត៌មានផ្សេងទៀត៕