កម្មវិធីវិទ្យុ
ព័ត៌មានពេលព្រឹក៖ ១៥ មករា ២០២២
ព័ត៌មានអំពីកម្ពុជាមាន លំហូរទឹកទន្លេមេគង្គធ្លាក់ចុះ៣ឆ្នាំជាប់គ្នា បង្កជាក្តីបារម្ភអំពីផលប៉ះពាល់លើប្រជានេសាទ។ លោក កឹម សុខា ការពារខ្លួនថាមិនមានកំហុស មុនសវនាការនៅសប្តាហ៍ក្រោយ។ រដ្ឋមន្ត្រីម៉ាឡេស៊ី រិះគន់កម្ពុជាថាមិនបានពិភាក្សាជាមួយមេដឹកនាំអាស៊ាន មុនធ្វើដំណើរទៅកាន់ប្រទេសមីយ៉ាន់ម៉ា។ បុគ្គលិកណាហ្គាវើលដ៍ មិនព្រមទទួលការចរចា ខណៈតំណាងសហជីពត្រូវឃុំខ្លួន៕
ព័ត៌មានពេលរាត្រី៖ ១៥ មករា ២០២២
ព័ត៌មានអំពីកម្ពុជាមាន លោក ហ៊ុន សែន ស្នើបង្កើតយន្តការត្រីភាគីតាមដានបទឈប់បាញ់គ្នានៅមីយ៉ាន់ម៉ា ខណៈក្រុមយោធាបន្តវាយប្រហារ។ សេចក្តីដកស្រង់នៃកម្មវិធី Hello VOA ដែល ពិភាក្សាអំពី«ធនាគារអេអែនហ្ស៉ិត ផ្តល់ប្រាក់ចំណេញពីការវិនិយោគដែលរំលោភដីធ្លីកសិករនៅខេត្តកំពង់ស្ពឺ»។ រីឯព័ត៌មានអន្តរជាតិមាន សង្គ្រាមបានចប់នៅប្រទេសអាហ្វហ្គានីស្ថាន តែមានភាពមិនប្រាកដប្រជានឹងការខ្វះស្បៀង។ អ្នកជំនាញថា កូរ៉េខាងជើង គេចពីការចរចានុយក្លេអ៊ែរ ស្របពេលសេដ្ឋកិច្ចរបស់ខ្លួនកាន់តែដុនដាប៕