កម្មវិធីវិទ្យុ
ព័ត៌មានពេលព្រឹក៖ ១១ មករា ២០២២
ព័ត៌មានអំពីកម្ពុជាមាន លោក ហ៊ុន សែន ស្នើឲ្យបង្កើតយន្តការត្រីភាគីតាមដានបទឈប់បាញ់គ្នានៅមីយ៉ាន់ម៉ា ខណៈក្រុមយោធាបន្តវាយប្រហារ។ លោក ហ៊ុន សែន ការពារដំណើរទស្សនកិច្ចនៅមីយ៉ាន់ម៉ា ខណៈរងការរិះគន់ជាបន្តបន្ទាប់។ រីឯព័ត៌មានអន្តរជាតិមានដូចជា ប្រធានាធិបតីកាហ្សាក់ស្ថានថា «ការប៉ុនប៉ងធ្វើរដ្ឋប្រហារ» ត្រូវបានកម្ទេច។ រដ្ឋមន្ត្រីការបរទេសនៃបណ្ដាប្រទេសឈូងសមុទ្រពែក្ស ធ្វើទស្សនកិច្ចនៅចិន ចំពេលមានក្ដីបារម្ភរឿងសន្តិសុខថាមពល។ គណៈកម្មាធិការពានរង្វាន់ណូបែល ថ្កោលទោសការផ្ដន្ទាទោសអ្នកស្រី Suu Kyi ថា មាន«លក្ខណៈនយោបាយ»។ អ្នកវិទ្យាសាស្ត្រអឺរ៉ុប អំពាវនាវឲ្យមានវិធានការ ស្របពេលកម្រិតឧស្ម័នស្រូបកម្ដៅកើនឡើងខ្ពស់ក្នុងឆ្នាំ២០២១ និងព័ត៌មានផ្សេងៗទៀត៕
ព័ត៌មានពេលរាត្រី៖ ១១ មករា ២០២២
ព័ត៌មានអំពីកម្ពុជាមានដូចជា រដ្ឋមន្ត្រីចក្រភពអង់គ្លេសពិភាក្សាបញ្ហាសិទ្ធិមនុស្ស និងស្ថានភាពនយោបាយនៅកម្ពុជា។ មន្ត្រីសង្គមស៊ីវិលសង្ស័យក្រុមហ៊ុនណាហ្គាវើលដ៍សុំជំនួយពីក្រសួងការងារដើម្បីបញ្ឈប់សហជីព។ មន្ត្រីថ្លែងថា ករណីផ្ទុះគ្រាន់មីននិងយុទ្ធភណ្ឌ២កន្លែងនៅខេត្តព្រះវិហារ បណ្តាលឲ្យមនុស្ស៤នាក់ស្លាប់ និងរបួសម្នាក់។ លោកនាយករដ្ឋមន្ត្រីបញ្ជាឲ្យពន្លឿនចាក់វ៉ាក់សាំងដូសជំរុញ ខណៈកម្ពុជាកំពុងប្រឈមវីរុសកូវីដ១៩បំប្លែងថ្មីក្នុងសហគមន៍។ រីឯព័ត៌មានអន្តរជាតិវិញមានដូចជា កូរ៉េខាងជើងបាញ់បង្ហោះកាំជ្រួចមីស៊ីលមួយទៀតដែលជាការសាកល្បងលើកទី២នៅឆ្នាំថ្មីនេះ។ ចិនបិទទីក្រុងទី៣ នាំឲ្យប៉ះពាល់ដល់មនុស្សទាំងអស់២០លាននាក់។ តៃវ៉ាន់អនុម័តថវិកាការពារជាតិបន្ថែមចំនួន៨,៦ពាន់លានដុល្លារ គ្រាដែលការគំរាមកំហែងរបស់ចិនកាន់តែកើនឡើង។ ប្រធានាធិបតីកាហ្សាក់ស្ថានថា២ថ្ងៃទៀតកងទ័ពដែលដឹកនាំដោយប្រទេសរុស្ស៊ី នឹងចាប់ផ្តើមចាកចេញនិងព័ត៌មានដទៃទៀត៕
