កម្មវិធីវិទ្យុ
ព័ត៌មានពេលព្រឹក៖ ១៤ មករា ២០២២
ព័ត៌មានអំពីកម្ពុជាមាន អ្នកតាមដាន ជំរុញឲ្យ«សម្របសម្រួល»ចំណុចខ្ទាស់ ក្រោយកិច្ចប្រជុំអាស៊ានធ្វើនៅសៀមរាប ត្រូវលើកពេល។ តុលាការ បង្ហាញភស្តុតាងការសន្ទនាតាមទូរស័ព្ទក្នុងសំណុំរឿងញុះញង់របស់សកម្មជនបក្សជំទាស់។ វត្ថុបុរាណ២៨ នឹងត្រូវបញ្ជូនមកកម្ពុជា ក្រោយកាន់កាប់ដោយអ្នកជំនាញដែលរងការចោទប្រកាន់ថា លួចវត្ថុបុរាណខ្មែរ។ រីឯព័ត៌មានអន្តរជាតិមាន ពលរដ្ឋកេនយ៉ាក្នុងតំបន់ក្រីក្រ ត្រូវបណ្តេញចេញដើម្បីយកកន្លែងសាងសង់ផ្លូវល្បឿនលឿន។ ច្បាប់ថ្មី ត្រូវបានអនុម័តដើម្បីការពារតំបន់ពិសិដ្ឋរបស់ជនជាតិដើមអូស្ត្រាលី៕
ព័ត៌មានពេលរាត្រី៖ ១៤ មករា ២០២២
ព័ត៌មានអំពីកម្ពុជាមាន រដ្ឋមន្ត្រីម៉ាឡេស៊ី រិះគន់កម្ពុជាថាមិនបានពិភាក្សាជាមួយមេដឹកនាំអាស៊ាន មុនធ្វើដំណើរទៅកាន់ប្រទេសមីយ៉ាន់ម៉ា។ លោក កឹម សុខា ការពារខ្លួនថា មិនមានកំហុស មុនសវនាការនៅសប្តាហ៍ក្រោយ។ លំហូរទឹកទន្លេមេគង្គធ្លាក់ចុះ៣ឆ្នាំជាប់គ្នា បង្កជាក្តីបារម្ភអំពីផលប៉ះពាល់លើប្រជានេសាទ។ បទវិភាគ៖ រដ្ឋបុរសកម្ពុជា បង្កើតមរតកនយោបាយថ្មី ខណៈអាស៊ានបង្ហាញសញ្ញាប្រេះឆា។ រីឯព័ត៌មានអន្តរជាតិវិញមានដូចជា ក្រុមហ៊ុននិងមន្ទីរពិសោធន៍ កំពុងធ្វើវ៉ាក់សាំងកូវីដបាញ់តាមច្រមុះ។ តុលាការកំពូលសហរដ្ឋអាមេរិក សម្រេចតម្រូវឲ្យចាក់វ៉ាក់សាំងចំពោះបុគ្គលិកថែទាំសុខភាព មិនមែនអាជីវកម្មទេ។ កូរ៉េខាងជើង បាញ់បង្ហោះកាំជ្រួចមីស៊ីលមួយទៀត បន្ទាប់ពីសហរដ្ឋអាមេរិកដាក់ទណ្ឌកម្មថ្មី។ អ្នកជំនាញថា កូរ៉េខាងជើង គេចពីការចរចានុយក្លេអ៊ែរ ស្របពេលសេដ្ឋកិច្ចរបស់ខ្លួនកាន់តែដុនដាប និងព័ត៌មានដទៃទៀត៕
