កម្មវិធីវិទ្យុ
ព័ត៌មានពេលព្រឹក៖ ១២ មករា ២០២២
ព័ត៌មានអំពីកម្ពុជាមាន លោកនាយករដ្ឋមន្រ្តី ហ៊ុន សែន បញ្ជាឲ្យពន្លឿនចាក់វ៉ាក់សាំងដូសជំរុញ ខណៈកម្ពុជា កំពុងប្រឈមវីរុសកូវីដ១៩បំប្លែងថ្មីក្នុងសហគមន៍។ មន្ត្រីសង្គមស៊ីវិល សង្ស័យក្រុមហ៊ុនណាហ្គាវើលដ៍សុំជំនួយពីក្រសួងការងារដើម្បីបញ្ឈប់អ្នកសហជីព។ មន្ត្រីថ្លែងថា ករណីផ្ទុះគ្រាប់មីន និងយុទ្ធភណ្ឌ២កន្លែងនៅព្រះវិហារ បណ្តាលឲ្យមនុស្ស៤នាក់ស្លាប់ និងរបួសម្នាក់។ រីឯព័ត៌មានអន្តរជាតិមានដូចជា សហរដ្ឋអាមេរិក ធានាចំពោះសម្ព័ន្ធមិត្តអឺរ៉ុប បន្ទាប់ពីបានចរចាជាមួយរុស្ស៊ីរឿងអ៊ុយក្រែន។ សហរដ្ឋអាមេរិក ថ្កោលទោសការសាកល្បងមីស៊ីលរបស់កូរ៉េខាងជើង។ អ្នកជំនាញអង្គការសុខភាពពិភពលោកថា ការចាក់វ៉ាក់សាំងកូវីដ១៩ដូសជំរុញម្តងហើយម្តងទៀត មិនមែនជាយុទ្ធសាស្ត្រល្អនោះទេ។ អង្គការសុខភាពពិភពលោកថា មនុស្សជាងពាក់កណ្តាលនៅអឺរ៉ុប អាចឆ្លងវីរុសអូមីក្រុងក្នុងពេល២ខែខាងមុខ និងព័ត៌មានផ្សេងៗទៀត៕
ព័ត៌មានពេលរាត្រី៖ ១២ មករា ២០២២
ព័ត៌មានអំពីកម្ពុជាមានដូចជា រដ្ឋមន្ត្រីចក្រភពអង់គ្លេសប្រចាំតំបន់អាស៊ី ពិភាក្សាកិច្ចការសិទ្ធិមនុស្សក្នុងពេលបំពេញទស្សនកិច្ចនៅកម្ពុជា។ គណបក្សនយោបាយ និងគ.ជ.ប. បន្តខ្វែងគំនិតគ្នាលើការកែប្រែនីតិវិធីសម្រាប់ការបោះឆ្នោតឃុំសង្កាត់។ ប្រជានេសាទ នៅមានចម្ងល់លើទិន្នន័យផលចាប់ត្រី ខណៈត្រីធ្លាក់ចុះជាបន្តបន្ទាប់។ រីឯព័ត៌មានអន្តរជាតិវិញមានដូចជា ការចរចារវាងអូតង់ និងរុស្ស៊ី ផ្តោតលើជម្លោះនៅបណ្តោយព្រំដែនជាមួយអ៊ុយក្រែន។ តៃវ៉ាន់ ផ្អាកបេសកកម្មហ្វឹកហាត់យន្តហោះ F-16 បន្ទាប់ពីយន្តហោះធ្លាក់។ បណ្តាញព័ត៌មានកូរ៉េខាងជើងថា៖ Kim Jong Un បានពិនិត្យមើលការបាញ់បង្ហោះកាំជ្រួចមីស៊ីលលឿនជាងសំឡេង៥ដង។ លោក Biden គាំទ្រការផ្លាស់ប្តូរនីតិវិធីព្រឹទ្ធសភាដើម្បីអនុម័តសេចក្តីព្រាងច្បាប់សិទ្ធិបោះឆ្នោត។ ឥណ្ឌា អាចបង្កើនអាយុអាចរៀបការបានសម្រាប់ស្ត្រីពី១៨ឆ្នាំ ទៅដល់២១ឆ្នាំ និងព័ត៌មានដទៃទៀត៕