កម្មវិធីវិទ្យុ
ព័ត៌មានពេលព្រឹក៖ ២០ មករា ២០២២
ព័ត៌មានអំពីកម្ពុជាមាន ខណៈមានការខ្វែងគំនិតគ្នាក្នុងតំបន់ កម្ពុជាថាអាស៊ានមិនត្រូវក្លាយជា«ចំណាប់ខ្មាំង»នៃវិបត្តិភូមាឡើយ។ រដ្ឋដាក់ទិវាឈ្នះឈ្នះជាបុណ្យជាតិ ខណៈអ្នកវិភាគថាលោក ហ៊ុន សែន កំពុងចារឹកកេរដំណែលនយោបាយផ្ទាល់ខ្លួន។ សវនាការលោក កឹម សុខា បន្តឡើងវិញ ចំពេលនយោបាយវិវត្តគួរឱ្យកត់សម្គាល់។ រីឯព័ត៌មានអន្តរជាតិមាន សកម្មជនទាមទារឯករាជ្យក្រុងហុងកុង ត្រូវបានគេដោះលែងពីពន្ធនាគារ។ តុលាការប្រទេសប៊ែលហ្ស៊ិកកាត់ទោសមេខ្លោងរត់ពន្ធមនុស្សម្នាក់ឲ្យជាប់ពន្ធនាគារអំពីការធ្វើឲ្យជនចំណាកស្រុកស្លាប់នៅក្នុងរថយន្តដឹកទំនិញ។ ប្រធានាធិបតីបារាំងអំពាវនាវឲ្យមានក្របខណ្ឌនៃកិច្ចព្រមព្រៀងសន្តិសុខអឺរ៉ុបថ្មីជាមួយអង្គការអូតង់និងរុស្សី។ ពលរដ្ឋអាមេរិកាំងចាប់ផ្តើមដាក់ពាក្យស្នើសុំឧបករណ៍ធ្វើតេស្តរកជំងឺកូវីដ១៩ដោយឥតគិតថ្លៃ៕
ព័ត៌មានពេលរាត្រី៖ ២០ មករា ២០២២
ព័ត៌មានអំពីកម្ពុជាមាន រដ្ឋមន្ត្រី៖ ទំនើបកម្មផែយោធារាម នឹងពង្រឹងទ័ពជើងទឹកកម្ពុជា។ តុលាការបញ្ចាំងវីដេអូអំពីចលនាសង្គ្រោះជាតិ នៅក្នុងសំណុំរឿងញុះញង់របស់សកម្មជនបក្សជំទាស់។ ១៨ឆ្នាំក្រោយឃាតកម្មលោក ជា វិជ្ជា គ្រួសាររបស់លោកអស់ជំនឿថា រដ្ឋអាចវែកមុខឧក្រិដ្ឋជន។ នៅក្នុងកម្មវិធី Hello VOA ថ្ងៃនេះ យើងមានកិច្ចពិភាក្សាអំពី«វ៉ាក់សាំងប្រឆាំងជំងឺកូវីដ១៩សម្រាប់ក្មេងនិងវ័យជំទង់»។ រីឯព័ត៌មានអន្តរជាតិវិញមាន លោក Blinken បានព្រមានថា សហរដ្ឋអាមេរិក នឹងមានវិធានការ បើរុស្ស៊ីឈ្លានពានអ៊ុយក្រែន។ ចិននិយាយថា ខ្លួនបានព្រមានដេញនាវាចម្បាំងអាមេរិកនៅសមុទ្រចិនខាងត្បូង។ អ្នកកាន់សាសនាអ៊ិស្លាមព្រួយបារម្ភ នៅពេលដែលក្រុមជនជាតិភាគតិច ចង់បានអំណាចនៅក្នុងរដ្ឋ Rakhine។ របាយការណ៍ថា CIA រកឃើញថា «រោគសញ្ញា Havana» មិនមែនជាយុទ្ធនាការដោយអំណាចបរទេសទេ។ ការប្រមើលមើលដ៏ស្រអាប់ស្តីពីការងើបឡើងវិញនៃទីផ្សារពលកម្ម ក្រោយការរាតត្បាតនៃជំងឺកូវីដ១៩៕
