TV
အောက်တိုဘာ ၁၇၊ ၂၀၂၂ ဗွီအိုအေ မြန်မာနံနက်ခင်း
ပစ်ခတ်တိုက်ခိုက်မှုတွေအတွက် ရုရှားနဲ့ ယူကရိန်း အပြန်အလှန် အပြစ်ဖို့၊ အီရန်အကျဉ်းထောင် မီးလောင်မှု အနည်းဆုံး ၄ ဦးသေ အမေရိကန် အမျိုးသားလုံခြုံရေး မဟာဗျုဟာနဲ့ မြန်မာ စတဲ့သတင်းနဲ့ သတင်းဆောင်းပါးတွေအပြင်၊ ကမ္ဘာ့မြန်မာ့ မီဒီယာမြင်ကွင်း၊ မြန်မာပြည်မှပေးစာ၊ သတင်းထဲကသုတနဲ့ ထူးခြားဆန်းပြားသတင်းများ အပတ်စဉ် အစီအစဉ်တွေကိုလည်း နားဆင်ရှုစားရမှာ ဖြစ်ပါတယ်။
နေ့စဉ် တီဗွီသတင်းလွှာ (အောက်တိုဘာ ၁၇၊၂၀၂၂)
ယူကရိန်းမြို့တော် Kyiv မှာ ဒီမနက်ပိုင်း အီရန်လုပ် Shahed ဒရုန်းတွေနဲ့ ဖောက်ခွဲတိုက်ခိုက်မှုအတော်များများ ခံခဲ့ရတယ်လို့ ယူကရိန်းအရာရှိတွေက ပြောပါတယ်။ ယူကရိန်းကို ရုရှားက စစ်ဆင်ရာမှာ အီရန်ပါဝင်ပတ်သက်တယ်ဆိုတာ အတည်ပြုနိုင်ရင် အီရန်အပေါ် အရေးယူဒဏ်ခတ်ဖို့ EU ဥရောပသမဂ္ဂ နိုင်ငံခြားရေးဝန်ကြီးတချို့ ပြင်ဆင်နေပါတယ်။ ဒေါ်အောင်ဆန်းစုကြည်ရဲ့ စီးပွားရေးအကြံပေး သြစတြေးလျနိုင်ငံသား Sean Turnell ကို နေပြည်တော်အကျဉ်းထောင်ကနေ အင်းစိန် အကျဉ်းထောင်ကို ပြောင်းရွှေ့လိုက်တယ်လို့ AFP သတင်းဌာနက ဖော်ပြပါတယ်။ ဒီသတင်းနဲ့အတူ သတင်းဆောင်းပါးတွေ အပတ်စဉ်အမေရိကန်နိုင်ငံရေးအစီအစဉ်တွေ တင်ဆက်ပေးပါမယ်။
ဗွီအိုအေ မြန်မာညချမ်း၊ အောက်တိုဘာ(၁၇) ၂၀၂၂
စစ်ကိုင်းတိုင်း ဝက်လက်အနောက်ခြမ်းမှာ စစ်တပ်က လေကြောင်းကနေ တိုက်ခိုက်ခဲ့တာ၊ ရခိုင်တောင်ပိုင်းမှာ AA ရခိုင်လက်နက်ကိုင်နဲ့ဆက်စပ်တယ်ဆိုပြီး စီးပွားရေးလုပ်ငန်းရှင်တွေ ဖမ်းဆီးမှုတွေ တိုးလာနေတာ စတဲ့သတင်းတွေနဲ့အတူ အပတ်စဉ်ကဏ္ဍတွေမှာတော့ သတင်းထောက်မှတ်စု၊ စီးပွားရေးကဏ္ဍ၊ ဘလော့ခ်ဂါတွေပြောသမျှ နဲ့ သက်တံ့ရောင်သတင်းလွှာအစီအစဉ်တွေ နားဆင်ရဖို့ရှိပါတယ်။